مساء الجوري لجميع اعزائي اعضاء منتديات المواسم
أختي عزوووف طرح في غاية الروعة وكما عودتينا به دائماً بأطروحاتك الجميلة في هذا الصرح الشامخ أشكرك من أعماق قلبي على الدعوة ولك أغلى ورود الكون
بسم الله وعلى بركته نبدأ
- ماهي علاقتك بالشعر ؟!!
علاقة حميمة جداً ومافيه احد مايحب الشعر لان في ترويح على الأنفس
2-متى بدأت علاقتك بالشعر؟
أنا لست بشاعر ولكن متذوق له وأحب الشعر منذ ا لصغر لأنه موهبة من الله عز وجل
3-متى تكتب القصيده...؟
أنا لاأكتب الشعر ولكن متذوق له
4-مارأيك بالساحه الشعريه...؟
بصراحة الساحة الشعرية حاليا ناضجة وفيها الكثير من المواهب
5- من هو شاعرك المفضل؟!!
الشعر والقصيده هي التي تفرض نفسها ولكن فيه مجموعة وأكثر ماأفضل الشاعر حمد السعيد
6- اعضاء في " منتديات المواسم " تثق في ذائقتهم الشعرية ؟!!
فيه مجموعة كبيرة ومنهم الاخ مخاوي العشاق وشاهين النوايف وكذلك هيكل الشمري واحمد الساحلي والمتألقة واميره الشعر وغيرهم كثير
7- بيت شعر يحضرك دائما ؟!!
تمكـن غـلاه بوسـط قلبـي عـام الفيـن
ومن يومهـا الحـب يكبـر علـى هونـه
8- قصيده تعدها من اروع القصائـد ؟!!
هذه تعتبر افضل قصيدة سمعتها وهي للشاعر حمد ا لسعيد وحبيت انقلها لكم بالصوت والكتابة
تزعل واراضيك واتلذذ بتزعيلك &&& تبي الصراحه انا مجنون زعلاتك
ياحلو لابعدت وانا اقرب ودنيلك &&& وامسك طرف غترتي وامش دمعاتك
تبدي تعاتب وانا كلي انتباه هيلك &&& ماني بيمك انا عيني على شفاتك
وتعيد حكيك وتفرك حيل منديلك &&& وتخالطت صادق حروفك بوناتك
واحاول ارضيك مدري منين انا ابديلك &&& واحتار واذكرك في بعض زلاتك
واسمعك ماكتبته بك واغتيلك &&& طاروقك اللي تحب واسكر اسكاتك
واستسمحك واعذرك واسمعك واشكيلك &&& واتلهف لبسمتك وارد ضحكاتك
يسرقني الوقت ولا يمديني احكيلك &&& كلامي اللي تحفضته لشوفاتك
وقت الوعد فات وعيوني تراعيلك &&& واقفيت واشغلت قلبي بلتفاتاتك
عيني على خطوتك والقلب يدعيلك &&& الله يحفظك من الحاسد وشماتك
وتزعل وراضيك واتلذذ بتزعيلك &&& تبي الصراحه انا اعشق كل حالاتك
9- هل لك محاولات في كتابه الشعر ؟!!
فيه محاولات بسيطة بس زي ماقلت الشعر موهبة من الله يوهبها لمن يشاء
10- لك مساحة لكتابة بيتين مـن قلمكـ فـأمتعنا بها ؟!!
ياعين لو تسبق دموعك جفايل وتسيل حتى تعتلي كل حله
والله مانوفي جميل الخصايل اللي على جمع الخلايق تجله
11- لك مساحه بلآ حدود وحرية بلا قيود امتعنا بقصيدة على ذوقك ؟!!
بين جفنك وعينك الف معنى ومعنى
وش بقاء للقصايد يوم ترخي جفونك
انت ياللي بزينك جيتنا تنتزعنا
وسع الصدر وارحمني على هون هونك
انت والله لو اني نبي نسري رجعنا
لا انتهاء زين غيرك كنهم يبتدونك
حي ذلك الحلا فيك عنهن قطعنا
مبطي ما ورد الزين من يشبهونك
كم بغيناك في وصف وانا اقول ضعنا
عجز ابيات شعر معذبك يا صفونك
كم شرينا بسوق الوصف غيرك وبعنا
وانت مهما وصفنا كله يطيح دونك
يا مضيق صدور البيض في مجتمعنا
والله اني بشعري ما قوينا عيونك
تذكر النظره اللي من ورائها اندفعنا
يوم تقبل سكوتك مختلط مع جنونك
ما تكلمت لكن سمعنا واطعنا
كن الناس مثلي كلهم يفهمونك
جيتنا في غرور ورحت تعلن ولعنا
لو انك تبيع كلامك والله اني زبونك
يوم قفيت والله ثقلنا ما نفعنا
اخذت ناس وناس ودهم يتبعونك
دام قلبك كبير وراهي يتسعنا
ظفنا معك او ظفنا في ردونك
اثر للزين هيبه تونا ما اقتنعنا
اقراء لا جيت تطلع وانتبه يحسدونك
لو معانا سكاكين لك الله قطعنا
بس ربك حميد وقطعتنا عيونك
12 - بيت شعر في الخيانه
مدام صرتي في غلانا تخونين
نساك قلبي وانتي اول غرامه
13 بيت شعر في الصداقه
الصديق الوفي طبـّن للعليل = صاحب ٍ للخيــــــــر بدروبه سلك
لو تحس بضيق للضيقــــــــة يزيل = لو تغيب شوي عن الحـال سألك..
14-بيت شعر في الحب
عيوني بسمة عيونك ولو صارت مطـر ورعـود
أبشرب من ظما دمعك وابغسـل جرحـي الدامـي
15- بيت شعر في الام
اختي عزف انتي طلبتي بيت شعر في الأم ولكن فيه قصيدة مبكية وحزينة بصراحة لشاب كان متهور وحصل له حادث ومعه امه وتوفت في الحادث وحط هذه القصيدة فيها
وحبيت انقلها كاملة
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
ابي اصحى ولكني عجزت القى ال يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني
واخيراً اشكرك يااختي عزف ناي على هذه الدعوة والضيافة الشعرية
وان شاء الله انني قد وفقت في هذا اللقاء ولكم خالص تحياتي
أنت غير مسجل في منتديات المواسم . للتسجيل الرجاء إضغط هنـا
15-05-2010, 09:48 PM
المواضيع المتشابهه
