اقلبي ارحمنـي ولا تعشـق اليـاس

ياقلبي ارحمنـي ولا تعشـق اليـاس
ذبحتنـي واللـي ذبحنـي عـنـادي
إنسان انا مثلي مثـل باقـي النـاس
ياخـي أبـي ارتـاح حـزة رقـادي
أتعبتنـي ولكـل الأشيـاء مقـيـاس
وانا انسحـب مـادام فيهـا تمـادي
ياليتني عايش بلا قلـب وإحسـاس !
ولا أحس إنـي كـذا شـي عـادي !
تقتلني أوجاعي وانـا آقـول لابـاس
وتخنقني الوحـده وانـا فـي بـلادي
تحشرجت في داخل الصـدر الأنفـاس
وصار الغلا والحب كبـوة جـوادي !
من كثر طيبي صرت في يدينهم كاس !
لاصار فاضـي ماانحمـل بالايـادي !
بنيت من نفسي لهم مسند وسـاس !
ولا أحد لبـى النـدى يـوم أنـادي !
خسرت ؟ ياما بس ما انّـزل الـراس
تبقى المبـادي فـي حياتـي مبـادي
عطيت ؟ ياما بس لا يمكـن انـداس
هذا البحر ينهـاب لـو كـان هـادي
نفسـي عزيـزه والقناعـات نبـراس
وصدري كتاب ابيض ولا هو رمـادي
مؤمن لو إن الضيق والهم وسـواس
واتعـب وأقـدم للحـلال اجتـهـادي
كني جذع ! واقدار عمري هي الفـاس
تضرب على حلمـي وتقطـع مـرادي