أكتب بيت شعر يعبر عن حالتك النفسيه,,

Ƀȇƞť ăƄơƠơɦă · 23-08-2010, 01:42 AM

كل جرح فات لي منك هديه
وش بلاك تخاف من رد الهدايا

تسلمين على طرحك الرائع يالغلاا ..

Ƀȇƞť ăƄơƠơɦă · 23-08-2010, 01:46 AM

حبيت غيري لجل اموت مقهــور
وحبيت غيرك لجل ارد اعتباري

Ƀȇƞť ăƄơƠơɦă · 23-08-2010, 01:50 AM

لو عطيتك نبض قلبي دون ما اكتب وصاة
شفت حبك يا عبدالرحمن يكتب ابروحي غلاته
نقرتين لعرض الصورة في صفحة مستقلة

Ƀȇƞť ăƄơƠơɦă · 23-08-2010, 02:04 AM

انا ما ابي من الدنيا سوى لحضه لقا واحد
ابي اطيح من طولي على حضنك وضمني...

نقرتين لعرض الصورة في صفحة مستقلة

الغيداء · 23-08-2010, 08:54 AM

الرّيح تطْفي الشّموع اللي بصـدري تقيـد
والضّيق يرخْي على نور النّوافـذ حجابـه

وحدي تدلّيت من سقف الليالـي طريـد
والبرْد يضْفي على الأفكار حـزْن وكآبـه

هذا انت واغْيابك أقسى من ضياع الوليـد
رحْت وعطيت الفرَح حجّه تبرر غيابـه

سلّمتني في يدين الخـوف ذابـل وحيـد
وأقْفيت عن درْبي المسكون صمت ورتابه

الغيداء · 28-08-2010, 06:10 AM

على رف الغياب أسمك لقيته للوجع دستور
نفضته من غبار الذكريات وطاح قدامي
على كثر الهزايم والضحايا جيت لك منصور
على كثر الحطام اللي تناثر جيت بحطامي
وأنا أتضور ألم ، أنزف ندم ، واضمى فرح وسرور
تعبت أمشي تضاريس الحزن واجرجر أعظامي
حبيبي حطّـم ( أصنام الغياب ) وحرّر المأسور
وانا بدعي اللقا يرحم ، ويغفر جرحك الدامي
يبللني غيابك وانت لو ناشف لقا وحضور
تعال أشرب مطر عمري وجرّب جدول أحلامي
تعال أنفث تعاويذ المطر خل اليباس يغوووووور
دخيلك وحّـد أطرافي مدامي فيك مترامي !!

الغيداء · 31-08-2010, 05:52 AM

كنت تخطي وكنت أسامح مرَّه مرتين وثمـان
أمدح الزله عشانك وأكتـم أنفـاس الغبينـه
كنت أحبك وكنت أعزك والغلا فينـي جبـان
اخاف تزعل لو ألومك ضعت ما بينـك وبينـه

الغيداء · 02-09-2010, 08:52 AM

ياعصافير والله اني اموت فيه
فوضوي مرتّب بعثره بانتظام
اعتذر منه وارضا من الزعل قبل اجيه
ويحضننه عيوني قبل اقول السلام
صدقوني بغيت البارح ازعل عليه
بس كنه وحشني ! وصار فيها كلام

عزف ناي · 07-09-2010, 05:47 AM

عافني من كان عيون القلب تغليه
وقفا مع المقفي وسيف الهجر تله

ما درى عن قلبي ولا قال وشفيه؟
ولا درى بغيابه أشكي مليون عله

لك الله تعبت واللي تامر به أسويه
بسك على قلبي وكلام العتب لاتهله

ليته كلام وبس وأمشي وأعديه
لكن الموت من عطى ظهره لخله

أعرف قلبك زين ودوم قلبي يداريه
والظاهر نسى إنه خذا هالقلب كله

ادري تبي فرقاي وهذا اللي تبيه
وصعب تقول اللي بخاطرك كله

وداامني ثقيلة نفس أبشر باللي تبيه
والله لتغيب شمسي عن الكون كله

Ƀȇƞť ăƄơƠơɦă · 07-09-2010, 07:46 AM

ليتني يا يمه في عمر الطفوله00
اترك الدنيا واخليــها وراااي
أقضي الأوقات في صوله وجوله00
بين لـ ع ـب وضحك والعابي جداي
اطرب اصحابي وياني ملوله00
ونومي بـ حضنك ترى غاية هناي
اوصل الروضه واعود لك عجوله00
ما احتمل طول المغيبه يا مناي
طفله صغيره وفي طبعي خجوله00
بالبراءه دوم يغلبني حياااااي

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
彡عندما أكتب عن彡	قلبي جريح A	خواطـر الأعضـــاء	7	08-09-2010 04:34 AM
عبر عن حالتك .النفسيه . ببيت من الشعر	شيهان المواسم	منتدى الشعر الشعبي	2	29-01-2010 03:27 AM
//.. أكتب حالتك اليوم بـ الـ e ..//	قمر الكون	Literature and Cultural forum	8	25-09-2009 07:23 PM
عبر عن حالتك بابتسامه	نور الارض	المنتدى الترفيهي	15	20-11-2008 04:51 PM
اكتب ياقلمي صرختي	نور الارض	منتدى الخواطر وعذب الكلام	6	16-11-2008 07:22 PM

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات

أكتب بيت شعر يعبر عن حالتك النفسيه,,

منتدى الشعر الشعبي